Yol polisi proflaktiki tədbirləri davam etdirir - FOTO - VİDEO

Baş Dövlət Yol Polisi İdarəsinin “Ekoloji nəzarət” bölüyünün əməkdaşları “Təmiz hava” aylığı çərçivəsində proflaktiki tədbirləri davam etdirirlər. Avtosfer.az xəbər verir ki, “Ekologiya postu”nda texniki cəhətdən nasaz olan, eləcə də normadan artıq zəhərli qaz ixrac edən nəqliyyat vasitələri aşkar edilib. Bəzi avtomobillərin əyləc və sükan idarəetmə mexanizmininin nasaz olduğu üzə çıxıb. 

Son günlər sürücülərə dəfələrlə müraciətlər edilməsinə, xəbərdarlıq olunmasına və cərimələnməsinə baxmayaraq hələ də bu cür nasaz maşınları idarə edənlərə rast gəlinir. Ekoloji nəzərət Bölüyü mütamadi olaraq sürücülər arasında maarifləndirmə işləri aparır. 
Qeyd edək ki, “Təmiz hava” aylığı avqust ayı boyunca davam edəcək. Bu günə qədər “Ekologiya postu”nda yüzlərlə sürücüyə cərimə yazılıb, xəbərdarlıq olunub.

Orxan