Yol polisi xanım sürücüləri belə təbrik etdi - FOTO - VİDEO

Bu gün Baş Dövlət Yol Polisi İdarəsinin Yol Patrul Xidməti Alayının 1-ci, 3-cü, 4-cü, 6-cı, 8-ci, 9-cu, 10-cu və digər tağımlarında, eləcə də Ekoloji Nəzarət bölüyünün postu kimi tanınan ərazilərdə 8 Mart Beynəlxalq Qadınlar Günü münasibətilə maarifləndirici aksiya keçirilib. Aksiya zamanı yol hərəkəti qaydalarını pozan xanım sürücülər saxlanılıb və onlarla maarifləndirici söhbətlər aparılıb. Eyni zamanda Baş Dövlət Yol Polisi İdarəsinin hədiyyələri təqdim olunub. Bu cür tədbirləri alqışlayan xanım sürücülər yol polisinə göstərdiyi diqqətə görə təşəkkür ediblər. Qeyd olunub ki, artıq ənənə halına çevrilən bu tədbirlər xanım sürücülərdə xoş təəssürat oyadır. Tədbirlər gün ərzində də bütün stasionar postlarda da davam etdiriləcək.

Orxan