Yol polisinin üzərinə avtomobil sürən sürücü 1500 manat cərimələndi - FOTO

Türkiyədə yol polisinin üzərinə avtomobil sürən sürücü ilə atası cərimələnib. Avtosfer.az yerli KİV-ə istinadən xəbər verir ki, hadisə Ağsaray şəhərində baş verib.

Məlumata görə, yol polis əməkdaşı, avtomobilini düzgün park etməyən sürücü 20 yaşlı Ardahan A.-ya xəbərdarlıq edib. Buna etiraz edən sürücü polislə mübahisə edib.

Polis əməkdaşının ikinici xəbərdarlığından sonra, sürücünün atası Mustafa A. da gələrək mübahisəyə qoşulub. Yol polisinin hadisə yerinə əlavə qüvvə cəlb olunması çağrışından sonra isə mübahisə daha da böyüyüb və bu zaman Ardahan A. avtomobilini yol polisinin üzərinə sürüb. Hadisə yerinə gələn əlavə polis əməkdaşları sürücü ilə atasını saxlayıb. Yol polisi onu təhqir edən hər iki şəxs haqqında şikayətçi olub.

Polis bölməsində ifadələri alınan ata-bala , “Saxla əmrinə tabe olmama”, “Düzgün park etməmə” maddələri ilə protokol tərtib edilərək 28 min lirə (təxminən 1500 AZN) cərimələndikdən sonra  sərbəst buraxılıblar.

Namiq Musayev