«Hyundai» 40 mindən çox sedanı geri çağırır

Cənubi Koreyanın Hyundai avtomobil istehsalçısı 42 925 avtomobilin geri çağırılması barədə qərar qəbul edib. Avto.lent.az-ın Reuters agentliyinə istinadən verdiyi xəbərə görə, şirkət bu qərarı avtomobillərin stop-siqnallarının nasaz olması səbəbindən verib. Servis aksiyasına «Genesis» modelinin 2009-2011-ci il buraxılışı, həmçinin «Equus» modelinin 2011-ci il buraxılışı aid edilib. Şirkətdən bildiriblər ki, meydana gəlmiş nöqsan ucbatından baş vermiş hər hansı yol nəqliyyat hadisəsi barədə hələlik heç bir məlumat yoxdur.