275 km/saat sürətlə radara düşən sürücü cəzasız qaldı

Hadisə Fransada baş verib. 

Avtosfer.az xəbər verir ki, polislər 275 km/saat sürətlə radara düşən sürücünü saxlayıb. Polis idarəsinə gətirilən sürücü növbəti məhkəməyədək sərbəst qalıb. Həmin vaxt isə o telekanallardan birinə müsahibəsibndə əməlini etieraf edib.

Bu günlərdə baş tutan məhkəmə prosesində isə qəribə hal baş verib. Məhkəmə iclasına gəlməyən sürücünü vəkil təmsil edib. Vəkil səyyar radarların 250 km/saatdan yuxarı sürət üçün uyğunlaşdırılmadığını sübut edərək müdafiə etdiyi şəxsin xeyrinə qərar verilməsini tələb edib. 
Məhkəmə avtomobil hüququ üzrə peşəkar vəkilin sübutlarını əsaslı hesab edərək sürücü barədə heç bir tədbir görməyib.

Qeyd edək ki, Fransada bu cür qayda pozuntusuna görə sürücülük vəsiqəsinin ləğvi, maşını utilizasiyaya vermə, 10 min avroyadək cərimə və həbs göləyir.

Vüqar