Almanları elektromobildən soyudan səbəblər

Dünyanın bir çox ölkəsində müşahidə olunan tendensiya Almaniyadan da yan keçməyib. Avropanın ən böyük avtomobil bazarı olan Almaniyada elektromobil satışı kəskin şəkildə geriləyib. 

Avtosfer.az xəbər verir ki, ötən fevralda Almaniyada 217 mindən çox təzə avtomobil satılıb. Bu da illik əsasda satışların 5,4% artması deməkdir. Lakin satılan avtomobillərin cəmi 12,6%-ni elektromobillər təşkil edib. Halbuki, 2013-cü ilin fevralında rəqəm 15,4% idi.
Cari ilin ilk ayında Almaniyada 22 478 elektromobil satılıb ki, bu da ümumi bazarın 10,5%-ni təşkil edir. Ekspertılər bunu böhran həddi hesab edir.     
Almaniyanın Federal Avtomobil Agentliyi KBA bildirir ki, ötən ay 27 479 elektromobil satılıb. Bu da ötənilki orta göstəricidən daha aşağıdır. Nəzərə alaq ki, 2023-cü ildə orta göstərici 18,4% təşkil edib. 
Əslində Almaniyada elektromobil satışlarının azalması son 2 ayın məsələsi deyil. Ötən yayda dotasiyalar dayandırıldıqdan sonra satışlarda geriləmə başlayıb. Hökumət bu addımı vəsait azlığı ilə izah edib. 
Satışların geriləməsi təkcə yardımların kəsilməsi ilə izah edilməməlidir. İnfrastruktur problemləri də insanların seçiminə ciddi təsir göstərir. Elektromobillər üçün doldurma şəbəkəsinin zəif olması, bahalı servis və sığorta, gediş məsafəsinin azlığı insanları çəkindirir. 
Psixoloji amillər də əhalini ənənəvi avtomobillərə yönəlməyə sövq edir. İlin əvvəlində ABŞ-də kəskin şaxtalara görə minlərlə elektromobilin hərəkətsiz qalması bu texnikanın nüfuzunu qlobal miqyasda zədələyib.

Vüqar