“Apple”ın on ildən çox davam edən səyi sona çatdı - “Apple Car” rəsmi olaraq ləğv edildi

“Apple” şirkəti uzun müddətdir şayiələnən elektrik avtomobilinin hazırlanmasına son qoyub.

Avtosfer.az xəbər verir ki, şirkətə yaxın mənbələrdən alınan məlumata görə, illərdir davam edən layihənin resursları müxtəlif təşəbbüslərə yönəldilib. Bu addım “Apple”ın on ildən çox davam edən "Apple Car" səyinin sona çatdığını göstərir.

“Bloomberg”də yer alan xəbərə görə, “Apple Əməliyyat Direktoru” Jeff Williams “Apple Car” layihəsinin və 2 min nəfərlik komandanın ləğv edildiyini söyləyib. Bildirilib ki, işlərdə iştirak edən mühəndislər və layihəçilər müxtəlif layihələrə təyin olunacaqlar.

Layihə qrupunun bir çox üzvü Con Giannandreanın rəhbərliyi altında generativ süni intellekt üzərində işləmək üçün “Apple”ın süni intellekt bölməsinə köçürüləcək.

İllər əvvəl məlum idi ki, Apple yüksək inkişaf etmiş avtonom texnologiyaya malik özü idarə olunan elektrik avtomobili hazırlamaq istəyir. Bununla belə, son illərdə şirkət öz məqsədlərini azaldıb və qismən avtonom funksiyaları olan klassik elektrik avtomobili hədəfləyib.

“Apple Car” adlı layihənin “Tesla” ilə rəqabət aparmaq üçün 2026-cı ildə istifadəyə veriləcəyi gözlənilirdi. Son icraçı itkilər, görünür, şirkətə baha başa gəlib.

Məhəbbət Tərlanoğlu