Avropa avtomobillərinə rüsum tətbiqi təxirə salındı

ABŞ Prezidenti Donald Tramp Avropa İttifaqından avtomobil idxalına görə yeni rüsumların tətbiqini iyulun 4-dək təxirə salıb. 

Avtosfer.az xəbər verir ki, Ağ ev rəhbəri bu açıqlamanı Avropa Komissiyasının prezidenti Ursula fon der Lyayenlə telefon danışığından sonra yayıb.

Şotlandiyada imzalanmış ticarət razılaşmasını xatırladan Birləşmiş Ştatlar prezidenti qeyd edib ki, Avropa İttifaqı öhdəliyə uyğun olaraq tarifləri sıfra endirməyi vəd edib. Donald Tramp Avropa İttifaqına iyulun 4-dək vaxt verməyə razılaşıb. 

Xatırladaq ki, mayın 1-də Tramp Avropa İttifaqından ABŞ-yə gətirilən minik və yük avtomobilləri üçün gömrük rüsumlarının 15%-dən 25%-dək qaldırılacağı ilə bağlı xəbərdarlıq etmişdi.

Ağ ev rəhbəri bunu Avropa İttifaqının Şotlandiyada əldə olunmuş razılaşmaya əməl etməməsi ilə əlaqələndirmişdi.

Vüqar