Avropanın ən yaxşı avtomobili seçildi - FOTO

Cenevrə avtosalonunda Avropada “İlin avtomobili” müsabiqəsinin nəticələrinə yekun vurulub.

Buzlu şüşə damlı “Renault Scenic” Avropada "İlin avtomobili" seçilib. 

Bu avtomobil  “E-Tech” münsiflər heyətinin səsverməsində 329 xal toplayıb, 58 münsifdən 22-si onu yeddi finalçı arasında ən yaxşısı adlandırıb.

İkinci yeri 309 xalla yeni nəsil “BMW 5 Series” tutub. Bu avtomobilə 19 jüri üzvü maksimum xal verib. Üçüncü yerdə yeni “Peugeot 3008” (197 xal) qərarlaşıb. “Kia EV9”, “Volvo EX302, Çinin “BYD Seal” və “Toyota C-HR” avtomobilləri də 2024-cü ilin avtomobili müsabiqəsinin finalına yüksəlib.

Yeddi finalçıdan dördü tamamilə elektrik avtomobilidir. Müsabiqənin münsiflər heyətinə 22 ölkədən 58 avtomobil jurnalisti və eksperti daxil olub. (lent.az)