Avtomobildə hansı qorxulu bakteriyalar “bəslənir”? - FOTO

Çirkli avtomobilə görə hər bir ölkədə cərimə olsa da, bu cəza yalnız avtomobilin xarici görünüşünə aiddir. Salonun nə vəziyyətdə olmasına polis qarışmır. Hər şey qalır sürücünün münasibətinə. 

Avtosfer.az xəbər verir ki, britaniyalı alimlər 5 avtomobili bakteriya səviyyəsinə görə test ediblər. Məlum olub ki, 1 sutka əvvəl təmizlənərək istifadə edilməyən unitaz avtomobildən daha təmizdir. 

Kokret olaraq bütün avtomobillərdə stafilokoklar və bağırsaq çöpləri tapılıb. Bütün maşınlarda ən çirkli yer 1425 bakteriyanın tapıldığı baqaj olub. Növbəti yerlərdə sürücünün oturacağı (649), sürət qutusunun dəstəyi (407) və arxa oturacaq (323) gəlir. 
Müqayisə üçün 1 sutka əvvəl təmizlənən unitazda bakteriya sayı 200-ü keçməyib. 
Bu o demək deyil ki maşına oturan hər adam dərhal xəstələnəcək. Lakin hər bir halda salon da vaxtaşırı təmizlənməlidir.

Vüqar