Avtomobili hücumdan qorumaq üçün tarixi metod – ODSAÇAN SİSTEM  - VİDEO

Avtomobil oğurluqlarına qarşı dünyada çox sayda mübarizə metodu var. Bunların bəziləri standart, bəziləri isə kustar vasitələrdir. 

Avtosfer.az xəbər verir ki, 80-ci illərdə Cənubi Afrika Respublikasında (CAR) avtomobil oğurluğu və maşınlara hücum normaya çevrilmişdi. Günün günorta çağı qarət məqsədi ilə avtomobillərə hücum edilirdi. 

Bunun qarşısını almaq üçün maşınlara odsaçan qurğuların quraşdırılmasına icazə verildi. Hücum zamanı bundan istifadə edən sürücü məsuliyyətdən azad idi. 

Odsaçan qurğu qədim dövrdəki “yunan odu”nu xatırladırdı. Salondan idarə edilən alov istənilən şəxsə bir neçə saniyədə ciddi yanıq xəsarəti yetirə bilərdi. 

Quraşdırılması 650 dollara başa gələn odsaçan quldurları kifayət qədər qorxuda bilib. Hazırda CAR-da bundan istifadə edilmir.

Vüqar Yaşaroğlu