“AvtoVAZ” yeni "Lada"nın istehsalına başladı

“AvtoVAZ” qrupuna daxil olan “Lada İjevsk” zavodu “Lada Largus” furqonlarının pilot partiyasını istehsal etməyə başlayıb.

Avtosfer.az xəbər verir ki, birinci partiya beş avtomobildən ibarət olacaq. Bütün avtomobillər bu həftənin sonuna kimi buraxılacaq.

Məlumata görə, may ayına qədər ümumilikdə 80 avtomobil təşkil edəcək pilot partiyanın yığılmasına başlanacaq. Onlar üzərində tam dövrəli istehsal texnologiyaları hazırlanacaq, kadrlar öyrədiləcək, avadanlığın parametrləri yoxlanılacaq.

Məhəbbət Tərlanoğlu