Banklar ölkəsinin bərbad avtomobilləri - FOTO

Ekoloji zərərli avtomobillər dedikdə ilk növbədə ağlımıza sovet avtomobilləri gəlir. Lakin Greenpeace təşkilatı belə düşünmür. Onlar alman avtomobillərini hədəfə alıblar. 

Avtosfer.az xəbər verir ki, təşkilatın budəfəki hədəfi tənqid ünvanı İsveçrədir. Buna səbəb ölkədə böyük mühərrikli alman avtomobillərinin üstünlük təşkil etməsidir. 

Təşkilat hesab edir ki, Konfederasiyada yanacaq sərfiyyatı yüksək olan böyük mühərrik həcmli avtomobillər ekologiyaya ciddi zərbə vurur. Qlobal ekoloji vəziyyət pisləşdiyi dövrdə ölkədə bahalı Porsche, Mercedes və BMW-lərin sayı durmadan artır. Elektromobilə isə çox da maraq göstərilmir. 

İsveçrədəki avtomobil dilerləri isə bu faktla çox da razılaşmır, ölkədə kiçik mühərrikli maşınların kifayət qədər satıldığını iddia edirlər. 

PS. Yazıda göstərilən fikirlər təşkilatın subyektiv fikridir və redaksiyanın mövqeyini əks etdirmir.

Vüqar