Bu avtomobilin hazırlanmasına 30 kq qızıl sərf edilib - FOTO

1930-cu ildə fransız konstruktor Andre Sitroen Papa XI Piyə avtomobil hədiyyə edir. 

Avtosfer.az xəbər verir ki, C6 (Citroën Lictoria C6) avtomobilinin karkası Fransada yığıldıqdan sonra Milana gətirilir. Burda son tamamlama və işləmələr həyata keçirilir. Maşının salon və eksteryer detallarının çoxu qızıl qəbəqəsi ilə örtülüb. Ümumilikdə avtomobilin hazırlanmasına 30 kq qızıl sərf edilib. 2,4 litrli 42 at gücündə V6 mühərriki avtomobilə 105 km/saat sürət verə bilir. 

Avtomobil pontifikə Kilsə ilə İtaliya dövləti arasında imzalanmış barışıq sazişinin birinci ildönümü münasibəti ilə hədiyyə edilib.

Cəmi 159 km qət etmiş “papamobil” bu gün Vatikanın avtomobil muzeyində sərgilənir. Belə bir sənət əsərini və xristian din başçılarının nəqliyyat vasitələrini görmək üçün biletə 16 avro ödəmək lazım gəlir. 

Qeyd edək ki, XI Piy 1922-1939-cu illərdə papalıq edib.

Vüqar