Bu avtomobillər polisə “zəng” edə biləcək

Amerikanın “Tesla” şirkəti təhlükəsizlik funksiyalarını ehtiva edən avtomobillər üçün yeniləmə elan edib.

Avtosfer.az xəbər verir ki, yenilənmələrdən biri təcili yardım xidmətlərinə avtomatik zəng etmək funksiyasıdır. Şirkət bildirib ki, təhlükəsizlik yastıqları işə salınarsa, avtomobil avtomatik olaraq təcili yardıma zəng edəcək.

Həmçinin avtomobillər ön sütunlarda yerləşən kameralardan çəkilən videoları təhlil edə, habelə sistem bitişik zolaqlardakı kor nöqtəyə nəzarət edə biləcək.

Qeyd edək ki, yeniləməyə parkinq köməkçisinin 3D təsvirləri dəstəkləyən yeni versiyası, “Apple Podcast” dəstəyi və arxa sərnişinlər üçün yerləşdirilən ekranlara qoşulacaq simsiz qulaqlıqlar daxil ediləcək.

Məhəbbət Tərlanoğlu