Bu dəfə əksinə oldu: oğru avtomobil sahibindən şikayət etdi

Qəribə hadisə Fransanın Ruan şəhərində baş verib. 

Avtosfer.az-ın xəbərinə görə, oğru gündüz vaxtı avtomobillərdən birinin içində çantanı gördüyü üçün tamah güc gəlir. O, bildiyi metodla qapını açaraq çantanı götürür. 

Lakin istəyinə nail olmur. Çantada vizit kartı və vaxtı keçmiş bank kartından başqa heç nə olmur. Lakin o özü bahalı telefonu maşının salonunda itirmişdi. 
Beləcə, oğru maşının sahibinə zəng edərək telefonla çantanı dəyişmək istəsə də, avtomobil sahibi razı olmur. Bu təqdirdə oğru polis idarəsinə gələrək sürücüdən şikayət edir və işin üstü açılır. Məlum olur ki, o, başqa bir cinayətə görə axtarışdadır. Polis onu həbs edərək avtomobil sahibini də idarəyə çağırır. 
Avtomobil sahibi də oğrudan şikayət etdiyi üçün məhkəmənin qərarı ilə onun barəsində həbs qətimkan tədbiri seçilir.

Vüqar