Bu ölkədə sürücülük vəsiqəsi ilə tramvay da sürmək olar - FOTO

Almaniyada işçi qıtlığı iqtisadiyyatın digər sahələrindəki kimi nəqliyyat sektorunda da ciddi hiss olunur. 

Avtosfer.az xəbər verir ki, 600 min nəfər əhalisi olan Nürnberq şəhərində hər il ictimai nəqliyyat üçün 160 yeni sürücü və maşinist tələb olunur. Problemdən çıxış yolu kimi işə tələbələr cəlb olunur. 21 yaşı tamam olmuş və sürücülük vəsiqəsi olan tələbələr 4 həftəlik intensiv kursdan sonra tramvay maşinisti kimi fəaliyyətə başlayırlar. 
Bu dəfəki seçimdə 36 namizəddən beşi hazırlıq kursuna qəbul edilib. Kursu başa vuran müdavimlər həftədə 20 saat tramvay sürərək peşə fəaliyyətinə başlayacaq. Onlara təhsildən yayınmamaq da şərt qoyulub.

Vüqar