"Chery" 2024-cü ildə Rusiya bazarına yeni krossover təqdim edəcək

2024-cü ildə Rusiya bazarında flaqman krossover “Chery Tiggo 9”satışa çıxarılacaq.

Avtosfer.az-ın məlumatına görə, Çin brendi bildirib ki, yeni avtomobil texniki xüsusiyyətlər baxımından qlobal istifadəçi tələblərinə cavab verəcək və qlobal beşulduzlu təhlükəsizlik standartlarına cavab verəcək.

“Tiggo 9” krossoveri ən böyük “Chery” modelidir. Onun uzunluğu 4820 mm-dir. Avtomobilin bazardakı rəqibləri “Kia Sorento” və “Hyundai Santa Fe” ola bilər.

Krossoverin interyeri minimalist üslubda az sayda düymələrlə işlənib. Belə ki, iki zonalı iqlim nəzarəti media sisteminin menyusuna inteqrasiya olunub. Ön sərnişin oturacağının geri çəkilə bilən ayaq dayağı var. “Tiggo 9” 14 dinamikli “Sony” audio sisteminə malikdir.

Qeyd edək ki, modelin Rusiya bazarına hansı mühərriklə çıxacağı məlum deyil.

Məhəbbət Tərlanoğlu