Çin avtomobilləri üçün ehtiyat hissə problemi dövrü başa çatır?

Çin hökuməti ölkədə istehsal edilmiş avtomobillərin xaricdə reputasiyasının aşağı düşməsi və istehsalçılar arasındakı qiymət rəqabətinə son qoymaq istəyir. 

Avtosfer.az  xəbər verir ki, Çin avtomobillərinə 2 məsələyə görə xaricdə  maraq azalır. Bura ehtiyat hissələrin yoxluğu və proqram təminatındakı problemlər daxildir. İstehsalçılar arasındakı qiymət rəqabəti isə həm daxildə, həm də xaricdə iqtisadiyyata ciddi ziyan vurur. 

Rəsmi Pekin artıq hərəkətə keçməyə qərar verib. 1 yanvar 2026-cı ildən etibarən elektromobil ixracı iklə məşğul olmaq üçün lisenziya tələb olunacaq. Lisenziya yalnız istehsalçılara və onların nümayəndələrinə veriləcək. Bunun üçün müəyyən şərtlər yerinə yetirilməlidir. 

Lisenziya almaq istəyənlər müştəri məmnunluğunu təmin etməyə çalışmalıdırlar. Buna görə də istehsalçı satış həyata keçirdiyi ölkədə satış sonrası servisi təkmilləşdirməli, ehtiyat hissələri bazası yaratmalıdır.

Burada bir sual da meydana çıxır: Yeni qərar nə dərəcədə səmərəli olacaq? Axı Pekin bir neçə il əvvəl istilik mühərrikli və hibrid modellərin  ixracına lisenziya tətbiq edib. Lakin bu lisenziya formal xaraktyer daşıyır və yuxarıda qeyd edilən problemin həlli ilə nəticələnməyib.

Vüqar