Daha bir ölkə Rusiya avtomobillərinə qapısını bağlayır

Finlandiyada Rusiya nömrəli avtomobillərin girişinə qadağa qoyulacaq.

Avtosfer.az xəbər verir ki, bu barədə ölkənin "Yle" teleradio şirkəti məlumat yayıb.

Məlumata görə, Rusiya nömrəsi olan və on nəfərdən az sərnişin üçün nəzərdə tutulmuş nəqliyyat vasitələri artıq Finlandiya sərhədini keçə bilməyəcək. Qadağaya müəyyən istisnaların olacağı deyilir, lakin hələlik bu barədə məlumat verilməyib.

Həmçinin, qadağanın nə vaxt qüvvəyə minəcəyi hələlik bəlli deyil.

Qeyd edək ki, Estoniya, Latviya və Litva artıq Rusiya nömrəli avtomobillərin girişinə qadağa qoyub.

Trend