Elektromobil istehsalçıları bazarı necə manipulyasiya edir?

Bu gün çoxları bilir ki, təzə elektromobil orta təbəqə üçün əlçatan deyil. Bu təbəqədən olan insanlar elə ənənəvi avtomobillərə qane olurlar. Avtosfer.az xəbər verir ki, baş ofisi Brüsseldə yerləşən “Transport&Environment” təşkilatı (T&E) Avropa bazarının vəziyyətini araşdırıb. Məlum olub ki, 2015-ci ildıən bəri Avropada elektromobilin qiyməti 39% artdığı halda, Çində 53% ucuzlaşıb. Bu həm də Çin maşınlarının keyfiyyətinin artdığı bir şəraitdə baş verib. 
Məlum olub ki, Avropa bazarında təklif edilən elektromobillərin əksəriyyəti D və E sinfinə məxsusdur. Bazardakı elektromobillərin cəmi 17%-i B sinfindəndir. Halbuki, benzin mühərriklərdə bu göstərici 37%-dir.  
T&E bildirir ki, bahalı modellərin təqdim edilməsi elektromobillərin kütləviləşməsinə mane olmaqla yanaşı, insanların təsəvvüründə onun lüks məhsul olması fikrini formalaşdırır. Bu il Avropa bazarına ən çoxu 42 000 aşağı sinif eletromobil çıxarılması gözlənilir ki, bu da 10 milyon satış olan bazar üçün dəryada damladır. 
Bir amil də nəzərə alınmalıdır ki, avropalıların çoxu avtomobilə 50 min avro və daha çox pul verməkdə maraqlı deyillər.

Vüqar