Elektromobilin batareyalarını qorumaq üçün 3 sadə üsul

Elektrik mühərrikli texnikanın ən incə detalı batareyalardır desək, yanılmarıq. Texnikanın dəyərinin əsas hissəsini də məhz bu detal təşkil edir. Buna görə də, batareyaların doldurulması zamanı ehtiyatlı davranmaq zəruridir. 

Avtosfer.az Avropa KİV-ə istinadla xəbər verir ki, batareyanın ömrünü üzatmaq üçün 3 sadə üsul var. 
Birinci üsul batareyanı 100 % doldurmamaqdır. Qışda bunun fəsadı çox olmasa da, yayda kimyəvi reaksiyalar sürətləndiyi üçün tutum azalır. 
İkinci üsul batareyanın hər dəfə böhran həddinədək boşalmasına imkan verməməkdir. Ən yaxşı rejim 20 – 80 % doluluqdur. Batareyanın 100 % boşalmasına isə heç bir halda yol vermək olmaz. Bu zaman oksidləşmə sürətləndiyi üçün batareyanın resursu azalır. 
Nəhayət, maşın uzun müddət istismar edilmədikdə belə, batareya qısa müddətə də olsa doldurulmalıdır.

Vüqar