Elektromobillər ucuzlaşacaq – SƏBƏB

Hazırda elektromobil bir çox insan üçün əlçatan deyil. Bu baxımdan Azərbaycanla hansısa Avropa ölkəsindəki vəziyyət çox da fərqlənmir. Vergi və digər güzəştlər belə, bu texnikanın qiymətini aşağı salmağa kafi gəlməyib. Bəs səbəb nədir?

Avtosfer.az-ın xəbərinə görə, bahalığın başlıca səbəbi xammalın qiymətinin yüksək olmasıdır. Lakin vəziyyət yaxşıya doğru dəyişir. Bunun da səbəbi batareya istehsalı üçün vacib olan litiumun ucuzlaşmasıdır. 

Son aylarda Çində yeni litium yataqlarının istismara verilməsi bu metalın 3 dəfə ucuzlaşması ilə nəticələnib. əgər 2022-ci ilin sentyabrında litiumun 1 tonu 600 000 yuan (140 AZN) idisə, bu həftə qiymət 200 minə (47 AZN) enib. Son nəticədə elektromobilin maya dəyəri azalıb. 

Eyni zamanda ABŞ-də də ehtiyatları milyon tonlarla ölçülən yeni yataqlar kəşf olunub. Buna görə də, avtomobil ekspertləri gələn ildən etibarən elektromobillərin ucuzlaşacağı qənaətindədirlər.

Vüqar