Ən nadir “BMW” superkarı 1 milyon dollara hərraca çıxarılacaq

“BMW”nin ən nadir və məşhur modellərindən biri olan unikal gümüş çalarlı “M1” superkarı “Sotheby's  Mayami” auksionunda satışa çıxarılacaq.

Avtosfer.az xəbər verir ki, hərrac martın 1-də başlayacaq.

Qeyd edək ki, bu modeldə cəmi 450 avtomobil yığılıb, onlardan yalnız 399-u ümumi yollarda istifadəyə icazə verilib. Qalanları yalnız nüfuzlu dözümlülük yarışları və “BMW Monokup” üçün nəzərdə tutulmuşdu.

Yol avtomobilləri arasında yalnız üçü zavoddan gümüşə boyanıb. Avtomobil həm də M Division tərəfindən hazırlanmış ilk modeldir.

Maşının ümumi yürüşü 17 min km-dən bir qədər çoxdur. Hələlik model üçün 750-950 min dollar qiymət təklif edilir.

Məhəbbət Tərlanoğlu