Ən sürətli sedanlardan biri olan “Zeekr 007” yeniləndi

Çin avtomobil istehsalçısı “Zeekr” özünün “007” sedanının yenilənmiş versiyasını təqdim edib.

Avtosfer.az xəbər verir ki, indi əsas “Enhanced RWD” konfiqurasiyasındakı avtomobil 14 istiqamətdə elektrik tənzimlənməsi, həmçinin havalandırma və masaj funksiyaları olan ön oturacaqlarla təchiz ediləcək. Arxa oturacaqlar elektriklə tənzimlənir və qızdırılır.

Salonda 21 dinamikli “Qualcomm Snapdragon 8295” çipi əsasında məlumat-əyləncə sistemi quraşdırılıb. Bundan əlavə, qabaqcıl LCC+ zolaq saxlama sistemi və müxtəlif sürücüyə yardım sistemləri indi standart olaraq daxil edilib.

Elektrikli sedan arxadan çəkişli və tam ötürücülü versiyalarda mövcuddur.

Məhəbbət Tərlanoğlu