Feysbukda bir fotoya görə avtomobil də getdi, azadlıq da

Sosial şəbəkədə lovğalıq etmək bəzən çox baha başa gəlir. 

Avtosfer.az xəbər verir ki, İsveçrə polisi qayda pozan sürücünü məhz Feysbuk sayəsində tapıb. Belə ki, 100 km/saat limit olan yolda 248 km/saat sürətlə radara düşən avtomobili video keyfiyyəsiz olduğu üçün müəyyən etmək mümkün olmayıb. Hadisədən bir neçə gün sonra sürücü özü fəxrlə spidometrin fotosunu paylaşıb və təəssüflə bildirib ki, 250 km/saat sürətlə getdiyi anın şəklini çəkə bilməyib. 

Polisə dəvət olunan 26 yaşlı sürücü xətasını etiraf edib. Buna görə onun sürücülük vəsiqəsi alınıb, avtomobil isə dayanacağa yerləşdirilib.

Qeyd edək ki, İsveçrədə sürət həddini bu cür böyük həcmdə aşmaq cinayət hesab edilir və işə məhkəmə baxır. İndi 26 yaşlı gənci 4 ilədək həbs gözləyir. Sürücülük vəsiqəsini isə azı 2 il sonra, psixoloji testdən keçərək yenidən imtahan verməklə bərpa edə bilər.

Vüqar