“Ford” avtomobil işçilərinin etirazına görə zavod tikintisini dayandırıb

Avtomobil işçilərinin genişmiqyaslı tətili “Ford” rəhbərliyini Miçiqanda akkumulyator zavodunun tikintisini dayandırmağa məcbur edib. Bu barədə Amerika konserninin nümayəndəsi RİA Novosti-yə danışıb.

O bildirib ki, “Ford”un etirazçıların təzyiqi altında layihəni tərk etmək planları ilə bağlı sızan məlumatlar doğrudur.

Xatırladaq ki, tətil iki həftəyə yaxındır davam edir. Buraya Amerikanın ən böyük avtomobil istehsalçılarının, yəni General Motors, Ford Motor Company və Stellantis şirkətlərinin əməkdaşları daxildir. Uzun sürən mitinq iştirakçıları maaşların artırılmasını, müavinətlərin bərpasını və məzuniyyətlərin müddətinin artırılmasını tələb edirlər. Tətilçilər öz mövqelərini son on ildə avtomobil istehsalçılarının gəlirlərinin demək olar ki, 100% artması ilə əsaslandırırlar.

Leyla