Fransada bitməyən fermer etirazları və ya traktor paradı - VİDEO

Fransada hökumətin aqrar siyasətindən narazı olan fermerler növbəti aksiya keçiriblər. 

Avtosfer.az xəbər verir ki, etirazçılar bu dəfə Tuluza şəhərindən kommunalara gedən yolları bağlayıblar. Aksiya nəticəsində yollarda böyük tıxaclar yaranıb.  
Bununla kifayətlənməyən fermerlər alman həmkarları kimi qarşıdakı həftələrdə ölkəmiqyaslı nümayişlər təşkil etməyi nəzərdən keçirirlər. Fransanın ən böyük fermerlər ittifaqı yaxın vaxtlarda bununla bağlı yekun qərarını verəcək. 
Bir neçə gün əvvəl yüzlərlə traktorla yürüş edərək yollarda uzun tıxaclar yaradan narazı fermerlər külli miqdarda saman, peyin və çürüməkdə olan məhsulları Tuluza meriyasının qarşısına boşaldaraq üzləşdikləri çətinliklərə diqqət çəkmişdilər. Onlar istehsal xərclərinin artması və subsidiyaların kəsilməsindən şikayətlənir, yanacağa görə verginin azaldılmasına, o cümlədən ekoloji tələblərin yumşaldılmasına  çağırırlar. 
Oxşar aksiyalar ölkənin digər regionlarda da baş tutub. Aksiyalardan supermarketlər də əziyyət çəkir.

Vüqar