“Huawei” və “Changan”dan yeni müqavilə - 5 il ərzində 105 avtomobil vədi - FOTO

Huawei avtomobil dünyasına investisiyalarını artırmağa davam edir. Hazırda “Aito” və “Luxeed” adlı alt brendə sahib olan şirkət avtomobillər üçün multimedia həlləri də istehsal edir. 
Avtosfer.az xəbər verir ki, “Huawei” və “Changan” arasında yeni müqavilə imzalanıb.
Razılaşma qarşıdakı 5 ildə 105 avtomobil modelini ağıllı hala gətirməyi hədəfləyir.
“Huawei”, ağıllı avtomobil texnologiyalarına diqqət yetirən təşəbbüs başlatdığını açıqlayıb. Şirkətin açıqlamasına görə, yeni sub-brend “Huawei”nin ağıllı avtomobil həllər bölməsinin əsas texnologiyalarından və resurslarından istifadə edəcək. O, bu məsələdə Çin avtomobil istehsalçısı “Changan Auto” ilə birlikdə çalışacaq.
Müqaviləyə əsasən, “Changan Auto” yeni müəssisənin 40 faizinə sahib olacaq. Adı hələ müəyyən edilməmiş birgə müəssisə ağıllı avtomobil sistemləri və komponentlərinin “AR-GE”, istehsalı, satışı və servisini həyata keçirəcək. Bu sahələrə ağıllı kokpitlər, sürücüyə yardım texnologiyaları və elektrik nəqliyyat vasitələrinin güc aqreqatları daxildir.
Qeyd edək ki, “Huawei”, “Aito” və “Luxeed” kimi müxtəlif markalar altında ağıllı elektrikli avtomobillər istehsal edir. “Changan”, “Seres” və “Chery” kimi müxtəlif Çin avtomobil istehsalçıları ilə əməkdaşlıq edən şirkət, yeni markasında avtomobil proqramlarına diqqət yetirəcək.
Məhəbbət