“Huawei” və Çin avtomobil nəhəngi güclərini birləşdirdi

Çinin “Dongfeng Motor” şirkətinin elektrik avtomobil markası “Voyah”şirkəti “Huawei” ilə ağıllı elektrik avtomobilləri hazırlamaq üçün strateji tərəfdaşlıq imzalayıb. 
Avtosfer.az xəbər verir ki, avtomobil markası “Huawei” ilə birlikdə fərqli seqmentlərdə yeni avtomobil modelləri hazırlayacağını açıqlayıb.
Məlumatda bildirilib ki, “Voyah”ın elektrik avtomobil istehsalında təcrübəsi və “Huawei”nin məlumat-əyləncə sistemlərindəki texnologiyalarından istifadə olunacaq. Tərəfdaşlıq sayəsində şirkətlər “HarmonyOS” ilə elektrikli avtomobillərində unikal istifadəçi təcrübəsi yaratmağı hədəfləyirlər.
Qeyd edək ki, bu ortaqlıqdan hansı modellərin faydalanacağı hələlik bəlli deyil.

Məhəbbət Tərlanoğlu