Hüseyn Həsənov: “Avtobusu gözlədiyim yerə “Rolls-Royce”la gəlmək gözəl hisslərdir” – FOTO

Rusiya və MDB ölkələrində məşhurlaşan azərbaycanlı videobloger və iş adamı Hüseyn Həsənov Azərbaycana gəlib. 

Avtosfer.az xəbər verir ki, Hüseyn Bakıya gələr-gəlməz böyüdüyü Bülbülədəki evlərinə yollanıb. 

Həsənov oraya lüks və dəbdəbəli “Rolls-Royce” avtomobilində gəlib. Bloger evləri önündə maşınına söykənmiş halda çəkilən fotosunu sosial şəbəkə hesabında paylaşaraq bu sözləri yazıb: 

“Buraya gəldim. Hansı ki burada kiçik yaşlarımda bir neçə il yaşamışam. Marşrut avtobusu gözlədiyim yerə “Rolls-Royce” avtomobili ilə gəlmək çox gözəl hisslərdir”. 

Digər paylaşımda isə Həsənov Nardaran ərazisində aldığı yeni mənzilinin təmirini bitirdiyi ilə bağlı görüntülər yayımlayıb. Hüseyn evinə aldığı elektron avadanlıqların və qab dəstlərinin fotosunu paylaşıb. 
Bloger bildirib ki, yeni mənzilinin açarlarını ona mayın 20-si təqdim edəcəklər. 

Bizim.Media