“Hyundai” qış təkərlərinə ehtiyacı aradan qaldırmaq niyyətindədir - FOTO

Sürücülərin qış aylarında tez-tez qarşılaşdığı problemlərdən biri də qış təkərləri və qar zəncirləridir. “Hyundai” şirkəti bir düymə ilə açılıb, bağlanan elektron qar zənciri texnologiyasını təqdim edib.

Avtosfer.az xəbər verir ki, avtomobil istehsalçısı elektron qar zəncirləri üçün patent alIb.

“Hyundai” ənənəvi qar zəncirlərinin yuvarlanması və sökülməsi kimi çətin prosesə bir düyməyə basmaqla açılan və geri çəkilən daxili qar zəncirlərini özündə birləşdirən yeni təkər dizaynını təqdim etməklə son qoymağı planlaşdırır.

Bunun baş verməsi üçün həm “Hyundai” şirkətindən, həm də təkər istehsalçılarından xüsusi iş tələb olunacaq. Çünki bu, bütün təkərlər qrupunun elektrik birləşmələri ilə yenidən dizayn edilməsindən asılıdır. Lakin belə texnologiyanın qarlı və ya buzlu havada tez-tez maşın sürməli olan sürücülər üçün böyük rahatlıq olacağı bildirilir.

Məhəbbət Tərlanoğlu