İyuldan etibarən polis olmayan yerdə sürəti artırmaq mümkün olmayacaq - FOTO

Avropa Komissiyası 2050-ci ilədək yollarda 0 ölüm layihəsi üzərində işləyir.  Burada ən çox diqqət sürət rejiminə yetirilir.

Avtosfer.az xəbər verir ki, 1 iyul 2024-cü ildən etibarən İttifaqda satılıan bütün təzə avtomobillərdə sürət məhdudlaşdırıcı sistem tətbiq ediləcək. GPS-lə əlaqədar işləyən sistem konkret ərazidə sürət limitini müəyyən edəcək. Limit keçildikdə isə qırmızı işıq və səs siqnalı ilə sürücüyə xəbərdarlıq ediləcək. 
Hələlik sistem sürücünün yerinə qərar verməyəcək. Bir sözlə, səs siqnalına məhəl qoymayaraq sürəti artırmaq mümkün olacaq. Növbəti mərhələdə isə sistem ümumiyyətlə sürət həddini aşmağa imkan verməyəcək.  
Bundan əlavə, sistem sürət həddinin ciddi şəkildə aşılması zamanı məlumatı polisə ötürəcək. Bundan sonra nə baş verəcəyini isə yazmağa lüzum yoxdur.

Vüqar