İyunda avtomobil sənayesində nə dəyişəcək?

Avropada siyasi qüvvələrin 2023-ci ildən etibarən bütün istilik mühərriklərini qadağan edəcəyi barədə ötən il dəfələrlə xəbər vermişik. Yaxın 2 ilə Avro-7 standartına keçidin baş verəcəyi də hər kəsə məlumdur. Lakin indi vəziyyət dəyişib.

Avtosfer.az xəbər verir ki, Avropa Parlamentinə seçkilərin tarixi açıqlandıqdan sonra siyasi qüvvələr bu məsələdən kürsü uğrunda mübarizə vasitəsi kimi istifadə edirlər. İyunda keçiriləcək seçkilərə görə Avropa Xalq Partiyası strategiyasının bəzi müddəalarını açıqlayıb. Avropanın ən böyük siyasi qüvvəsi olan partiya bildirir ki, parlamentdə yerlərin çoxunu qazanacağı təqdirdə həm elektromobilə, həm Avro-7 standartına keçid məsələsinə yenidən baxacaq. 
Partiya bildirib ki, məsələnin inzibati üsullarla həlli yolverilməzdir və proses təbii yolla getməlidir. Qadağalar sadə avropalıları Kuba modelinə qaytaracaq. Yəni, əhali ya köhnə avtomobildən illərlə əl çəkməyəcək, ya da avtomobilini satdığı təqdirdə yenisini almayacaq.

Vüqar