Küləklə yarışan və rekordlar qıran dünyanın ən sürətli 5 avtomobili - SİYAHI

Sürət həvəskarısınızsa və dünyanın ən sürətli avtomobilləri ilə maraqlanırsınızsa, doğru yerdəsiniz!

Avtosfer.az xəbər verir ki, bu məzmunda siz sürət rekordları qıran və yolların “kralı” kimi tanınan beş heyrətamiz avtomobillə tanış olacaqsınız.

Amma gəlin bunu əvvəlcədən qeyd edək.

Ən sürətli avtomobillər siyahısının ilk sırasında siz 760.343 mil/saat sürətə malik “SuperSonic Car”ı görəcəksiniz. Ancaq, bu bir yol nəqliyyat vasitəsi deyil, reaktiv mühərriklərlə təchiz edilmiş və yolda sürət rekordları üçün xüsusi olaraq hazırlanmış bir avtomobildir. Ənənəvi avtomobillərdən fərqli olaraq, trasda keçirilən xüsusi sınaqlarda sürət rekordlarını qırıb. Bu kimi bir çox nəqliyyat vasitələri həmin siyahıda olsa da, biz sizə kommersiya məqsədilə istehsal olunan və satılan, yəni yolda istifadə oluna bilən nəqliyyat vasitələrini təqdim edəcəyik.

Budur avtobanların 5 sürətli maşını:

1. “Bugatti Chiron Super Sport 300+”

“Bugatti” deyəndə ağla gələn ilk şey inanılmaz sürət və lüksdur. “Bugatti Chiron Super Sport 300+” 2019-cu ildə 304 mil/saat (490 km/saat) sürətə çataraq dünya rekordunu qırıb. Bu avtomobil təkcə sürəti ilə deyil, həm də aerodinamik dizaynı və üstün mühəndislik detalları ilə diqqət çəkir.

8 litrlik W16 mühərriki 1578 at gücü hasil edir. Bu avtomobilə sahib olmağın dəyəri təxminən 3,9 milyon dollardır!

2. “Hennessey Venom F5”

Amerika avtomobil nəhəngi “Hennessey”nin yeni favoriti olan “Venom F5”, adını ən güclü qasırğa kateqoriyasından götürüb. Bu nəhəng 301 mph (485 km/saat) sürətə çatmaq məqsədi ilə yaradılıb. “Venom F5”in mərkəzində 6,6 litrlik tvin-turbo V8 mühərriki var və 1817 at gücü hasil edir.

Yalnız 24 ədəd istehsal edilən bu xüsusi avtomobilin qiyməti təxminən 2,1 milyon dollardır.

3. “SSC Tuatara”

Amerikanın “SSC” şirkətinin flaqmanı olan “Tuatara”, 282,9 mil/saat (455,3 km/saat) sürətlə dünyanın ən sürətli avtomobillərindən biridir. 5,9 litrlik tvin-turbo V8 mühərriki ilə 1750 at gücü hasil edən “Tuatara” qabaqcıl aerodinamik dizaynı sayəsində bu sürətlərə çata bilir.

Qiyməti təxminən 1,6 milyon dollardır.

4. “Koenigsegg Jesko Absolut”

İsveçli “Koenigsegg”, “Jesko Absolut” modeli ilə sürət həvəskarlarının qəlbini cəlb edir. 256 mph (412 km/saat) sürətə çatan “Jesko Absolut” aerodinamik quruluşu və güclü mühərriki ilə seçilir. Avtomobil 5,1 litrlik tvin-turbo V8 mühərriki 1600 at gücü hasil edə bilir.

Bu avtomobilin qiyməti təxminən 3,4 milyon dollardır.

5. “McLaren Speedtail”

Britaniya avtomobil istehsalçısı “McLaren Speedtail” modeli saatda 250 mil (403 km/saat) sürətə çata bilir. 4 litrlik tvin-turbo V8 və elektrik mühərrikinin birləşməsi ilə 1036 at gücü hasil edən “Speedtail” həm sürəti, həm də lüksu bir arada təqdim edir.

Bu xüsusi avtomobilin qiyməti təxminən 2,2 milyon dollardır.

Namiq Musayev