“Lada Iskra”nın buraxılışı 2025-ci ilə təxirə salındı

“AvtoVAZ”ın prezidenti Maksim Sokolov “Lada Iskra” modelinin istehsalına başlanılması üçün yenilənmiş tarixləri açıqlayıb.

Avtosfer.az xəbər verir ki, modelin istehsalına 2025-ci ildə başlanılması planlaşdırılır.

Şirkətin rəhbəri bildirib ki, yeni modellərdən biri də “Lada İskra”dır:

“Onun istehsalına başlanılması 2025-ci ilin əvvəlinə planlaşdırılır və o, yüksək texnoloji platformada ən geniş yayılmış, ən sərfəli minik avtomobili olacaq”

Qeyd edək ki, bundan əvvəl Sokolov “Lada Iskra”nın buraxılışının 2024-cü ilin sonuna planlaşdırıldığını bildirmişdi. Onun sözlərinə görə yeni model 2025-ci ilin birinci rübündə satışa çıxmalı idi.

Məhəbbət Tərlanoğlu