"Lada Vesta" tarixi satış rekordu qırdı

May ayında Rusiyanın avtokonserni “AvtoVAZ” 40,8 min “Lada” avtomobili satıb.

Avtosfer.az xəbər verir ki, bu da ötən ilin eyni dövrü ilə müqayisədə 70,7 faiz çoxdur.

Şirkətin saytında bildirilib ki, “Lada Vesta” satış rekordunu yeniləyib. Belə ki, may ayında 15 min avtomobil satılıb. Bu da bu modelin tarixində ən yüksək nəticədir. Cəmi 5 ay ərzində 51,7 min yeni nəsil “Lada Vesta” satılıb.

Həmçinin may ayında “AvtoVAZ” 18 min “Lada Granta” sata bilib (2023-cü ilin may ayı ilə müqayisədə +5,8faiz). “Nive Legend” modeli isə öz növbəsində 3,2 min avtomobil (+10,7faiz) satıb. Həmçinin 3,9 min “Nive Travel” (+14,2faiz) alınıb.

Məhəbbət Tərlanoğlu