Lüks saat istehsalçısı öz avtomobilini buraxdı - FOTO

“Aluminium Vision Gran Turismo” konsept avtomobilini təqdim edib. “Bvlgari” video yarış oyununda istifadə olunacaq. Avtosfer.az xəbər verir ki, bu barədə İtaliya brendinin mətbuat xidməti məlumat yayıb.

Şirkət nümayəndələrinin sözlərinə görə, rodsteri yaradan zaman dizaynerlər 1998-ci il istehsalı olan “Bvlgari Aluminium” saatından ilham alıblar. Avtomobili “Pininfarina”nın keçmiş dizayn direktoru Fabio Filippini hazırlayıb.

Maşının texniki xüsusiyyətləri açıqlanmasa da, “Bvlgari Aluminium” avtomobili 2024-cü ildə “Gran Turismo 7” video oyununda istifadə olunacaq.

Qeyd edək ki, konsept avtomobil “Vision Gran Turismo” proqramının bir hissəsi kimi yaradılmışdır ki, bu proqramda avtomobil şirkətləri “Gran Turismo” oyunlar seriyası üçün gələcək konsept avtomobillərini dizayn edirlər. Proqramda Ferrari , BMW , Lamborghini , Porsche , McLaren , Bugatti və digər istehsalçılar iştirak ediblər.

Məhəbbət Tərlanoğlu