Magistral yollarda simsiz enerji doldurma sistemi üçün kritik inkişaf - Artıq sınaqdan keçirilir

Avtodünya 2 Aprel 2024 21:09 Oxunub 312
Magistral yollarda simsiz enerji doldurma sistemi üçün kritik inkişaf - Artıq sınaqdan keçirilir
WhatsApp kanalımıza abunə ola bilərsiniz

Son illərdə elektromobillər çox populyarlaşıb. Bunun əsas səbəbləri ekoloji maarifləndirmə, enerji səmərəliliyi, aşağı texniki xidmət xərcləri və benzin və ya dizel əvəzinə daha sərfəli elektrik enerjisindən istifadədir.  

Elektrikli avtomobillərin kifayət qədər yayıldığı ölkələrdən biri də ABŞ-dır. Bununla əlaqədar, ölkənin bəzi ştatları uzun müddətdir ki, avtomobilləri simsiz enerji ilə dolduran magistral yollar üzərində işləyirlər. Bəzi bölgələrdə sınaqdan keçirilən bu sistemlə avtomobillərin yalnız təkərlərini yerə toxunduraraq şarj etmək hədəflənib. Nəhayət, İndiana ştatında bu məsələ ilə bağlı mühüm bir inkişaf baş verib. 

Avtosfer.az xəbər verir ki, elektrikli avtomobilləri şarj edən şose layihəsi ağır nəqliyyat vasitələri üçün sınaqdan keçiriləcək. 

Ştatdakı Purdue Universitetinin mühəndis qrupu uzun müddətdir ki, traktor qoşqularından tutmuş minik avtomobillərinə qədər müxtəlif növ elektrik nəqliyyat vasitələrinin magistral yollarda hərəkət edərkən simsiz enerji ilə doldurulmasını təmin edəcək sistem üzərində işləyir. Bu işlər çərçivəsində saatda 65 mil sürətlə hərəkət edən elektrikli avtomobilləri enerji ilə doldurmaq üçün magistral yol hazırlanıb. 

Bu test üçün “Cummins Inc.” adlı ABŞ şirkəti tərəfindən təqdim edilən elektrik yük maşını istifadə olunacaq. Sınaqların nə vaxt başlayacağı hələlik bəlli deyil. Ştat hökuməti yaxın bir neçə il ərzində bu simsiz enerji doldurma sistemini bəzi əyalətlərarası ştatlarda quraşdırmağı hədəfləyir. 

Hazırda İndianadan kənarda olan bir neçə ştat və ölkə elektriklə işləyən avtomobilləri simsiz enerji ilə dolduran magistralları sınaqdan keçirir. Ancaq bu sistemin ən çətin tərəfi onu ağır yük maşınlarına tətbiq etməkdir. Çünki bu maşınlar şəhərdən fərqli olaraq şəhərdən kənarda yollarda daha sürətli hərəkət edir. Bu kontekstdə onların yüksək enerjiyə ehtiyacı var. 

Məhəbbət Tərlanoğlu

ŞƏRH YAZ
Ad

E-mail

Şərh