“Mercedes-Benz” indiyə qədərki ən güclü “SL”ni təqdim etdi - FOTO

“Mercedes-Benz” şirkəti 816 at gücünə malik olan “SL kabrioletinin plug”in hibrid versiyasını təqdim edib.

Avtomobil standart olaraq tam ötürücü, sürüşmə əleyhinə sistem və keramika diskləri olan əyləc sistemi ilə təchis olunub. “Mercedes-AMG SL 63 SE Performance”ın 4,0-litrlik tvin-turbo V8 mühərrikinə sahibdir. Avtomobil 100 km/saata 2,9 saniyəyə sürətlənir və maksimal sürəti 317 km/saata çatır.

Salonda elektrik tənzimlənməsi və üç masaj rejimi olan “AMG” idman oturacaqları var. “MBUX” media sisteminin ekranında hibrid sistemin əməliyyat parametrləri göstərilir. Regenerativ əyləc sistemi dörd iş rejiminə malikdir.

Məhəbbət Tərlanoğlu