“Mercedes” “EQ” modellərində istifadə etdiyi dizayndan imtina edir – Bəs modelin adı da dəyişir? - FOTO

“Mercedes-Benz” tərəfindən edilən açıqlamalarda şirkətin elektromobil seriyası üçün ciddi dəyişikliklər var. Belə görünür ki , EQS və EQE modelləri dizayn baxımından tamamilə fərqli istiqamətdə inkişaf edəcək.

Avtosfer.az xəbər verir ki, artıq “Mercedes” “EQS” və “EQE” modellərinin dizaynını dəyişəcək.

“Mercedes-Benz” “EQ” ilə başlayan elektrik avtomobil modelləri ilə bazara sürətlə daxil olub. Seriya adları əsasında “EQS” və “EQE” modellərini təqdim edən Alman avtomobil nəhəngi, görünür, bu müddət ərzində istifadəçilərdən istədiyi rəyi ala bilməyib. Belə ki, şirkət “EQS” və “EQE” modellərində köhnə dizayndan tamamilə imtina edir.

Avtomobil istehsalçısı bundan sonra gələcək “EQ” modellərinin yeni təqdim edilən və daha çox bucaq xətləri olan konsept “CLA”ya bənzəyəcəyini bildirib . Dizaynın dəyişəcəyini əminliklə deyən “Mercedes-Benz” Avtomobil Mühəndisliyinin vitse-prezidenti Kristof Starzinski ad dəyişikliyi sualına yox cavabını verib.

Məhəbbət Tərlanoğlu