Məşhur avtomobil brendi 250 min dollara saat təqdim etdi - FOTO

Riçard Mill şirkəti markanın ən güclü yol avtomobilinə çevrilmiş “McLaren W1” sportkarına həsr olunmuş xüsusi saat modelini təqdim edib. Avtosfer.az xəbər verir ki, Model RM 65-01 McLaren W1 adlanır və 500 nüsxə tirajla buraxılacaq. Yeni məhsulun qiyməti 250 min avro təşkil edir.

Qeyd olunur ki, RMAC4 mexanizmi vaxtı saniyənin onda birinə qədər dəqiqliklə ölçməyə imkan verir. Saat karbon və titandan hazırlanıb.

McLaren W1 məşhur F1 və P1 idman avtomobillərinin mənəvi varisidir. Yeni məhsulun rəsmi premyerası McLarenin Formula 1 çempionatında ilk qələbəsinin 50 illiyinə təsadüf edib. W1 üçün McLaren Automotive 937 kVt (1275 at gücü) olan yeni hibrid mühərrik hazırlayıb. Avtomobil 100 km/saata 2,7 saniyəyə sürətlənir, maksimal sürəti isə 350 km/saatdır.