Məşhur şirkətlər bu avtomobil modellərinin istehsalını dayandırır – AÇIQLAMA - FOTO

Avtomobil sənayesində elektrikləşmənin sürətlənməsi bir neçə məşhur modelin istehsaldan çıxarılmasına səbəb olub.

Avtosfer.az xəbər verir ki, yayılan məlumatlarda "BMW” “X4” modelini xəttdən çıxarcağı bildirilir. Güclü “X4 M Competition” 503 at gücünə malik olsa da, model elektrik varisi “BMW iX4” üçün yoldan çəkilir. “iX4”ün Macarıstanda istehsalına 2026-cı ilin payızında başlanacaq, satışlar isə 2027-ci ildə gözlənilir.

"Cadillac" da “XT6” modelinin istehsalını 2026-cı ilə qədər tamamilə dayandıracaq. Şirkət elektrik strategiyasına uyğun olaraq bu modeli əvəz edən yeni üçsıralı elektrikli “Cadillac Vistiq”i bazara çıxarmağa hazırlaşır.

"Mercedes-Benz" 2025-ci ilin sonunda “GLC Coupe” və “GLE Coupe” modellərinin istehsalını bitirəcək. "Kupe-krossover" seqmentinə marağın azalması qərara təsir edən əsas amillərdən biridir. Güclü “AMG GLE 63 S Coupe” seriyanın son modeli olacaq.

Ekspertlər bildirirlər ki, markaların elektrik modellərinə fokuslanması yaxın illərdə daha çox ənənəvi avtomobilin istehsalının dayandırılması ilə nəticələnəcək.

Eltac Zülfüqaroğlu