Nadir avtomobil Avstraliyadakı ofisdən oğurlanıb

Nissan Skyline GT-R R32 avtomobili Nissan Avstraliyanın Melburndakı baş qərargahından oğurlanıb. Avtosfer.az xəbər verir ki, söhbət GTR 091 qeydiyyat nömrəli avtomobildən gedir ki, bu, Avstraliyada satılan ilk Skyline modelidir.

Bu Skyline 2015-ci ildə Nissan tərəfindən geri alınıb və şirkətin tarixi əhəmiyyətli modellər kolleksiyasının bir hissəsi idi. Oğurlanan Skyline-ın dəyərinin 170 min dollar olduğu təxmin edilir. Hazırda Viktoriya ştatı polisi hadisəni araşdırır. Hüquq-mühafizə orqanları baş verənlərlə bağlı məlumatı olan şəxslərdən kömək istəyib.

Qeyd edək ki, Skyline modeli 1957-ci ildə istehsal olunub və zaman keçdikcə markanın ən populyar avtomobillərindən birinə çevrilib. Hazırda Skyline-ın səkkizinci nəsli olan R32 1989-cu ildə təqdim edilib. Bildirilir ki, bu avtomobillərdən yalnız 100-ü 1989-1994-cü illər arasında Avstraliyaya gətirilib.

Orxan