Nəhəng fabrikdə yanğın - Yüzlərlə avtomobil yandı

“General Motors” zavodunda güclü yanğın baş verib.

Avtosfer.az xəbər verir ki, şirkət yanğın səbəbindən “Factory Zero” adlı avtomobil yığım müəssisəsində istehsalı müvəqqəti dayandırmalı olub.

ABŞ-ın Detroit şəhərində yerləşən zavodda 3-cü dərəcəli yanğın aşkar edilib. Hadisəyə səbəb litium-ion batareyalar olduğu güman edilir. Məlumatda fabrikdəki bütün işçilərin təhlükəsiz şəkildə təxliyə edildiyi və xəsarət alan olmadığı bildirilib.

“Factory Zero” elektrik yük maşınları və “GMC Hummer” və ”Chevrolet Silverado” kimi yolsuzluq avtomobilləri istehsal edən bir müəssisədir.

Qeyd edək ki, Baterayaların alışma təhlükəsi yol qəzalarında dəfələrlə müşahidə olunub.

Məhəbbət Tərlanoğlu