“Niva”-nın mühərrik həcmi artırılır

Avtovaz şirkəti Niva Legend (klassik Niva) avtomobilinin modernləşdiriləcəyi və azı 2027-ci ilədək istehsal olunacağını bildirib. 

Avtosfer.az xəbər verir ki, şirkət avtomobilin 1,8 litrlik mühərriklə təchiz olunacağını bildirsə də, detalları açıqlamayıb. Yalnız bu qeyd edilib ki, yeni mühərrik ənənəvi 1,7 litrlik aqreqatın həcmi artırılmış forması olmayacaq. 

İstehsal müddətinin artırılmasına gəlincə, 2000-ci ildən etibarən bu modelin konveyerdən çıxarılacağı barədə dəfələrlə söhbət yayılıb. Lakin bu söz-söhbət hər dəfə əsassız çıxıb.
Hazırda Nivanın istehsalının artırılmasına səbəb detalların Rusiyada hazırlandığı üçün sanksiyadan kənarda qalmasıdır. Bu gedişlə Niva 50 yaşını da konveyerdə qeyd edəcək: həm də çox ciddi dəyişikliyə məruz qalmadan.