Nivada problemi həlli, yoxsa qaş düzəldən yerdə göz çıxarmaq? - FOTO

Samara şəhərindəki firmalardan biri Niva avtomobillərinin mühərrikini gücləndirib  

Avtosfer.az xəbər verir ki, xüsusi turbokompressor (Niva Turbo-LT) və proqram təminatı sayəsində 1,7 litrlik mühərrikin gücü 80 at gücündən 145 at gücünə qaldırılıb. Nəticədə avtomobilin dinamikası artıb, yanacaq sərfiyyatı azalıb.
Lakin Avtovaz bu mühərrikə maraq göstərmir. Digər tərəfdən, avtomobilin transmissiyasının belə çevik mühərrikə davam gətirib-gətirməyəcəyi barədə məlumat verilmir. Əvvəlki illərin təcrübələri göstərib ki, Nivanın standart transmissiyası 100 at gücü mühərrikə belə uzun müddət davam gətirmir.  
Ən əsası, yolla kontaktı və aerodinamikası pis, klirensi böyük olan avtomobili belə çevik mühərriklə qəzasız idarə etmək mümkün olacaqmı?

Vüqar