Polis avtoxuliqanlıq edən uşaqları belə qandalladı – FOTO - VİDEO 

Bu kadrlar Avstraliyada çəkilib.

Avtosfer.az xəbər verir ki, 15-16 yaşlarında 4 uşaq bir bağ evindən son model Maserati və Porsche oğurlayaraq yolda təhlükə törədiblər. Polisin onları təqib etdiyini görən yeniyetmələr sürəti 180 km/saatadk artırıblar. 

Dəfələrlə qırmızı işığa əhəmiyyət verməyən, məktəbin yanından yüksək sürətlə keçən (Avstraliyada bu hərəkət xəta deyil, cinayətdir – müəl.) yeniyetmələr sonda dalana girirlər. Bu da onları dayandırmır. Maserati sürən uşaq trotuardan keçmək istəsə də, nail olmur. Polislər onları maşından düşürüb kobud şəkildə yerə  yıxır və qandallayır. 
4 uşağın işinə gələn həftə yuvenal məhkəmə (yetkinlik yaşına çatmayan şəxslər üçün xüsusi məhkəmə - müəl.) baxacaq. Onlara qarşı oğurluq, təhlükəli idarəetmə, sürət hədddini aşma və qanunsuz əşya əldə etmə ittihamları irəli sürülüb.

Vüqar