Polis qorxusuna görə bağlanan kəmərin yaratdığı TƏHLÜKƏ

Avtodünya 18 Aprel 2024 13:29 Oxunub 2798
Polis qorxusuna görə bağlanan kəmərin yaratdığı TƏHLÜKƏ
WhatsApp kanalımıza abunə ola bilərsiniz

Bu gün də təhlükəsizlik kəmərini lüzumsuz detal hesab edən, qəza anından vəziyyətdən çıxa biləcəyinə inanan sürücülər az deyil. Hətta nə vaxtsa kəmərə görə sürücü və ya sərnişinin qabırğalarının sındığı barədə söhbətlər də dolaşır. 
Bəli, bu informasiyada həqiqət var. İlk dövrlərdə insanlar sıxılmamaq üçün kəməri boş bağlayırdılar (polis görsün kəmər var, vəssalam). Buna görə də toqquşma zamanı qabırğa sınması, hətta boğulma halları da olub. 
80-ci illərin ortalarından təhlükəsizlik kəmərlərinə tarımlayıcı əlavə edildi. Artıq kəməri qarnın üstünə atmaq mümkün deyildi. Həm də sürücü və sərnişin rahat hərəkət edə bilirdi. 
Bu gün də kəmərə barmağarası baxan, tarımlayıcı mexanizmi sökən, kəməri dayanacaq tormozuna keçirən, açıq kəmər detektorunu bloklayan sürücülərin sayı hesabı yoxdur. Bu cür səhv bağlanan kəmər istənilən halda risklidir. Qabırğa və ya boyun sınması, boğulma və digər arzuolunmaz hallar yarada bilər. Polis, daha doğrusu cərimə qorxusu ilə istifadə edilən kəmərin təhükıəsizlik baxımından faydası yox, ziyanı var.

Vüqar

ŞƏRH YAZ
Ad

E-mail

Şərh