Prezidentə müraciət: Elektromobillə bağlı ambisiyalara son qoyulsun

ABŞ-də 4 minədək avtomobil dileri elektromobillə bağlı prezident Co Baydenə müraciət edib.

Avtosfer.az xəbər verir ki, dilerlər dövlət başçısından hökumətin elektromobillə bağlı ambisiyalarını yumşaltmağı xahiş ediblər.

Avtomobil satıcıları bildirirlər ki, əlverişli şərait yaradıldığı üçün elektromobil istehsalı kütləviləşir. Artıq anbarlarda bu texnikanı yığmağa tapılmır. Digər tərəfdən də, əhalinin bu texnikaya inamı və marağı hələ ki, azdır. 

Müraciət edənlər həm də marağın artırılması üçün təklif də veriblər. Onların fikrincə, kütləvi istehsal yavaşımalı, əvəzinə ehtiyat hissə istehsalı artmalı, doldurma şəbəkəsi genişlənməlidir. Ən əsası isə, Amerika xalqına bu texnika ilə doğmalıq yaranması üçün vaxt verilməlidir.

Vüqar